Татарстанда бер атна эчендә ОРВИ һәм грипп белән авыручылар саны 44% арткан

10-16 ноябрь көннәрендә Татарстанда грипп һәм ОРВИ белән 8982 кеше теркәлгән. Бу узган атнага караганда 44% күбрәк, әмма эпидемиологик чиктән 35% түбәнрәк. Бу хакта ТР Роспотребнадзор матбугат хезмәте хәбәр итә.

Авыручылар арасында иң күбе – 7-14 яшьлек мәктәп укучылары, аларның саны 85% арткан. Моны суыту һәм балаларның каникулдан мәктәпкә кайтуы белән бәйлиләр. Әлегә, нигездә, грипп түгел, ә гади салкын тидерә торган вируслар таралган.

Гриппка каршы инде республика халкының 1,8 миллионнан артык кешесе прививка ясаткан – бу бөтен халыкның 49% тәшкил итә. Шул ук атнада коронавирусның 109 очрагы ачыкланган. Бу атна алдагы атнага караганда 17% күбрәк.

Балалар ешрак авырый, чөнки аларның иммунитеты әле формалаша, ә вируслар мәктәпләрдә һәм балалар бакчаларында тиз тарала.

Төп саклану чаралары:

• гигиенаны үтәргә, кулларны еш юарга;
• сәламәт яшәү рәвеше алып барырга;
• гриппка каршы прививка ясатырга.