Спортны яратырга өйрәтегез!

Шушы девиз астында Мөслим район хастаханәсенең бүгенге көндә балалар бүлеген алып баручы табиб-педиатр Язилә Фәргать кызы пациентлар өчен даими лекцияләр үткәрә. Бу файдалы киңәшләр балаларга тизрәк сәламәтләнергә һәм киләчәктә үзләренә туры килә торган спорт төрен сайларга ярдәм итәчәк.
Спорт- безнең иң яхшы дустыбыз. Ул безнең тәнебезне һәм җаныбызны сәламәт тотарга ярдәм итә.  
Спортка мәхәббәт гаиләдә башлана. Иртәнге гимнастика, саф һавада йөрү, сикерү, велосипедта йору, чаңгыда шуу - бу кызыклы башлангыч. Балалар активлашкач, аларны спорт секцияләренә, түгәрәкләргә яздырырга була.
Сәламәт тәндә-сәламәт рух. Даими рәвештә спорт белән шөгыльләнүче бала:
* сәламәт була, сирәгрәк авырый;
*  максатчан була;
* үзенә яхшы дуслар табар;
* җиңүләр яулый.
Киләчәктә баладан бөек җиңүләр көтәргә кирәкми. Иң мөһиме, ул үзенә туры килә торган һәм кызыксындыра торган спорт төре табарга тиеш. Барсы да файдага булачак.
 
Айгөл Гамирова фотосы