Сөт бизләре яман шешенә каршы көрәш атналыгы узды

13-19 октябрьдә сөт бизләре яман шешенә каршы көрәш атналыгы узды. “Хатын-кызлар арасында әлеге авыру киң таралган. Иртә диагностика ысулы – маммография. Күкрәк яман шешенең беренче билгеләре сизелмәскә мөмкин, бигрәк тә башлангыч вакытында. Вакытында табибка күренү, медицина тикшерүе үтү, диспансерлаштыру узу профилактик чара булып тора. Быел районыбызда 6 хатын-кызда иртә срокларда сөт бизләре яман шеше ачыкланды. Ике хатын-кызга әле 40 яшь тә тулмаган, 60 яшькә кадәрге бер хатын-кыз һәм өчесе – 60 яшьтән өстә. Даими тикшеренеп торганда, гомерне саклап калырга мөмкин”, – дип хәбәр итә район поликлиникасының профилактика кабинеты фельдшеры Айгөл Гамирова. 

Фото: Татар-информ