Сәламәтлек

Балаларның кинәт үлү синдромы – ата-аналар һәм табиблар өчен фаҗига. Моны булдырмас өчен әти-әниләр берничә кагыйдәне белергә тиеш. “Баланың чалкан ятып йоклавы шарт, башы янга борылган булырга мөмкин, ләкин ул корсагында яки яны белән ятарга тиеш түгел. Баланы аерым йоклату кирәк. Сабыйга олылар караваты туры килми. Бала йоклый торган караватның буш, каты булуы мөһим. Карават бик йомшак булса, баланың сулыш алуы бозыла. Бала тәмәке төтенен суларга тиеш түгел. Тәмәке төтене сулыш алу системасына зыян сала. Баланы имезү һәм календарь буенча прививка ясату кирәклеген дә әти-әниләр онытмасын иде!” – ди балалар табибы Гөлнар Хәлилова.

Фото – Татар-информ архивыннан