Сәламәтлек

Соңгы өч көндә район хастаханәсенең ашыгыч ярдәм бүлегенә 78 чакыру һәм мөрәҗәгать булган, шуларның алтысы – көнкүрештә тән җәрәхәтләре, бишесе – аллергия белән. 38 кеше йөрәк-кан тамырлары авырулары белән мөрәҗәгать иткән. Инфаркт белән алты кеше Әлмәт хастаханәсенә озатылган. Сигез кеше дәвалану өчен район хастаханәсенә салынган. “Аллергик реакцияләр барлыкка килүгә зарланып килүчеләр саны артты: тән тиресе кызыл таплар белән каплана, кычыту барлыкка килә. Аллергия күп очракта антибиотиклар һәм биологик актив өстәмәләрне контрольсез эчү, стресс белән бәйле”, – ди ашыгыч ярдәм бүлеге фельдшеры Гөлүсә Камалова.

Фото – Мөслим районы хастаханәсе архивыннан