Грипп белән авырганда

Грипп – вируслы йогышлы авыру. Гриппның төп симптомнары – югары тән температурасы, баш, буыннар һәм мускуллар авырту. Авыруны кисәтүнең иң нәтиҗәле ысулы – вакцинация. Өйдә грипп белән яки салкын тиеп авыручы бар икән, бинаны дымлы ысул белән ешрак җыештыру, даими җилләтү кирәк. “Авырганда өйдә калырга, табиб күрсәтмәләрен төгәл үтәргә киңәш ителә. Грипп белән авырганда йөрәк-кан тамырлары, иммун системаларына һәм башка органнарга йөкләнеш арта. Күбрәк су, чәй эчәргә кирәк. Карлыган яки мүк җиләгеннән ясалган морслар, минераль суның файдасы зур”, – ди “Роспотребнадзор” идарәсенең ТР буенча территориаль бүлеге белгеч-эксперты Алия Баһаутдинова.
 

Фото - Татар-информ архивыннан.