Сәламәтлек
Бер атна эчендә Татарстанда яшәүче 13 меңгә якын кеше грипп һәм ОРВИ йоктырган
Бу хакта Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе хәбәр итте
Бер атна эчендә Татарстанда ОРВИ һәм гриппның 12 897 очрагы теркәлгән. Авыручылар саны узган атнадагы кебек калган, ул эпидемия бусагасыннан 47,3 процентка түбәнрәк, дип хәбәр иттеләр Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсендә.
Ел башыннан бирле грипп вирусының активлыгы кими: 8нче атнада аның өлеше 26,6 процент тәшкил иткән.
Тулаем алганда, республикада авыручылар санының сезонлы дәрәҗәсе саклана. Күпчелек очраклар грипп белән түгел, ә башка респиратор вируслар белән бәйле. Авыру гадәттә җиңел формада уза һәм хастаханәдә дәвалануны таләп итми.
Чыганак һәм фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев