«Бакчада еш кына куллар, аяклар, бил һәм тире зыян күрә»

– Кеше берничә ай аз хәрәкәтләнә, ә аннары иртәдән кичкә кадәр казый, капчыклар ташый, тулы чиләкләр күтәрә, ботаклар кисә, берничә сәгать иелеп эшли. Бакчада еш кына куллар, аяклар, бил һәм тире зыян күрә, – дип белдерде травматолог. – Бакчачыларның төп хаталары: хәл беткәнче эшләү, авыртуга түзү, кинәт кенә авыр әйберләр күтәрү, билен бөкерәйтеп чүп утау, җир кишәрлеге буйлап шлепанцы киеп йөрү, тырма һәм секаторларны теләсә кайда калдыру…

– Кеше берничә ай аз хәрәкәтләнә, ә аннары иртәдән кичкә кадәр казый, капчыклар ташый, тулы чиләкләр күтәрә, ботаклар кисә, берничә сәгать иелеп эшли. Бакчада еш кына куллар, аяклар, бил һәм тире зыян күрә, – дип белдерде травматолог. – Бакчачыларның төп хаталары: хәл беткәнче эшләү, авыртуга түзү, кинәт кенә авыр әйберләр күтәрү, билен бөкерәйтеп чүп утау, җир кишәрлеге буйлап шлепанцы киеп йөрү, тырма һәм секаторларны теләсә кайда калдыру…

Миннән киңәш бик гади. Эшкә керешкәнче 5–7 минут күнегүләр ясап алу кирәк: җилкәләрне, билне, тезләрне, тубыкларны язылдырып алыгыз. Коралларны очын аска каратып ташыгыз һәм тырманың тешләрен үзегезгә каратып калдырмагыз, югыйсә ялгыш басарга мөмкинсез.

Җәрәхәт алган очракта яраны чиста су белән юарга, канны туктатып торучы бау бәйләргә, яраның тирә-ягын антисептик белән эшкәртергә һәм шул урынга чиста салфетка ябарга кирәк. Ярага туфрак керсә, столбняк чире йогу куркынычы бар, шуңа күрә ясаткан прививкаларыгызның вакыты чыкмаганмы – шуны белү мөһим.

Тирән яра, тешләү, шешү, эренләүләр булганда яки аякка басып булмый, кулны селкетеп булмый икән – мондый очракларда табибка мөрәҗәгать итү зарур.

Кирилл Кәримов сүзләренчә, өлкән кешеләр еш кына остеопороз белән җәфалана. Бу чир вакытында сөякләрнең тыгызлыгы кими һәм алар уалучан булып кала. Чамадан тыш йөкләмәләр һәм җәрәхәтләр авыр сынуларга, мәсәлән, оя сөяге муентыгы сынуына китерергә мөмкин. Шуңа күрә остеопороздан интегүчеләргә Кирилл Кәримов аеруча сак булырга киңәш итә.

Тулырак: https://tatar-inform.tatar/news/bil-syzlyi-iorak-avyrta-bas-catnyi-bakcada-salamatlekne-saklap-kalu-kinaslare-5923336

Фото: Татар-информ