Ашыгыч ярдәм бүлегенә 87 чакыру һәм мөрәҗәгать булган

Соңгы өч көндә район хастаханәсенең ашыгыч ярдәм бүлегенә 87 чакыру һәм мөрәҗәгать булган, шуларның 12се – көнкүрештәге тән җәрәхәтләре, 37се – кан тамырлары авырулары белән. Косып һәм хәлсезләнеп алты кеше мөрәҗәгать иткән. “Җәй көне вируслар һәм бактерияләр үрчи. Елга-күлләрдә су коенганда авызга су кермәве мөһим. Шуңа су керү өчен чиста, тикшерелгән сулыкларны сайлагыз, суда коенганнан соң душ керергә онытмагыз! Ротавирус һәм башка вируслар гадәттә һава-тамчы юлы белән йога”, – дип хәбәр итә бүлекнең өлкән фельдшеры Гөлфирә Сабирова.

Фото – Мөслим-информ архивыннан