Җәйге чорда киселү, егылу, бәрелү очраклары арта

Җәйге чорда киселү, егылу, бәрелү очраклары арта. Соңгы өч көндә район хастаханәсенең ашыгыч ярдәм бүлегенә 87 чакыру һәм мөрәҗәгать кергән, шуларның 18е (биш бала) – көнкүрештәге тән җәрәхәтләре белән. “Аллергия, тын бетеп мөрәҗәгать итүчеләр дә ешайды. Өч райондашыбыз инфаркт белән Әлмәт хастаханәсенә озатылды, җиде кеше дәвалану өчен район хастаханәсенә салынды”, – дип хәбәр итә бүлекнең өлкән фельдшеры Гөлфирә Сабирова.

Фото – «Татар-информ» архивыннан