Башкалабыздан куанычлы хәбәр!

- Мөслим сәнгать мәктәбенең "Асса" һәм "Тукай бизәкләре" бию төркемнәре "Созвездие-Йолдызлык" эстрада сәнгате фестиваленең суперфиналының икенче турына үтеп башкалабыз сәхнәсендә утлар уйнаттылар.
Ольга Нуруллина һәм Булат Солтанов җитәкчелегендәге "Тукай бизәкләре" хореография коллективы фестивальнең гала-концертына үтте.
Театр сәнгате бүлеге укучысы, конферанс Азалия Хәйруллина суперфиналның 2нче турына узды. Җитәкчесе Ләйсән Замалова.
Фестивальнең финал этапларында барлыгы 113 йолдызчыгыбыз: 4 бию коллективы, "Вокал" һәм "Конферанс" номинацияләрендә үзләрен сынаучы талантлы балаларыбыз Мөслимне тәкъдим итте.
Бу җиңүләр зур тырышлык һәм уртак хезмәт нәтиҗәсе. Егет-кызларны  җиңүләре белән котлыйбыз, - дип хәбәр итәләр Мөслим сәнгать мәктәбеннән.

Фото - сәнгать мәктәбе архивыннан