Аяк киемнәре кырып борчыса

Кайбер очракларда яратып кигән аяк киеме дә җәйге кызу көннәрдә аякны кырырга мөмкин. Ял итәргә барган җирдән аяк киеме кырудан кәефсезләнеп кайтучы хатын-кызлар бихисап. Әгәр аягыгызда кабарчыклар (волдырь) барлыкка килсә, аны дезинфекцияләнгән энә белән тишәргә кирәк. Бу андагы сыекчаны чыгарыр өчен эшләнә. Ләкин тиресен куптармагыз. Әгәр, ул тартып алынган икән, хлоргексидин сөртергә һәм сулый торган пластырь ябештерергә кирәк. Аяк киеме уңайлы булсын өчен силиконнан ясалган “подушечка” яки җәймәләр, сиптергечләр кулланырга киңәш ителә.

Наилә Нәбиева фотосы