Китап ул – тормыш мәктәбе
Мин кечкенәдән укырга яратам. 5 сыйныфка күчкәндә өлкәннәр өчен язылган романнарны су кебек эчә идем. Авыл китапханәсендә мин укымаган татарча китап калмады.
Чулпан Минһаҗетдинова, Михайловка балалар бакчасы тәрбиячесе:
Яраткан китапларым күп. Бигрәк тә классик язучыларның әсәрләрен үз итәм. Мөхәммәт Мәһдиевнең “Без – кырык беренче ел балалары”, “Фронтовиклар”, Фәнис Яруллинның “Җилкәннәр җилдә сынала”, Мәдинә Маликованың “Шәфкать”, “Кызыл гөл”, “Арыш тәме”, Мирсәй Әмирнең “Саф күңел”, Ибраһим Газинең “Онытылмас еллар”, Гариф Гобәйнең “Маякчы кызы”, Габдрахман Әпсәләмовның “Газинур”, Факил Сафинның “Соңгы көз”, “Гөлҗиһан”, Фоат Садриевның “Бәхетсезләр бәхете” әсәрләрен кат-кат укыдым. Чыңгыз Айтматов әсәрләре тормышчан, Әнгам Атнабаев, Фәнис Яруллин шигырьләре халыкчан, тирән мәгънәле. Замандашлардан Гүзәл Галләмова, Зифа Кадырова, Альфира Кадыйрова-Гайфетдинова әсәрләрен яратып укыдым. Әмма элек укылган әсәрләр күңелгә ныграк кереп калган.
Тулырак «Авыл утлары» газетасының 2024 ел 8 май санында
Фото – "Мөслим-информ" архивыннан.
Сәхифәне Римма Афзалова әзерләде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев