Роспотребнадзор 8 Мартка чәчәкләр сайлау буенча киңәшләр бирде
Халыкара хатын-кызлар көне алдыннан Роспотребнадзор экспертлары бәйрәм букетларын сайлау һәм аларны карауның төп кагыйдәләрен искә төшерделәр.
Белгечләр сыгылмалы таҗ яфраклары булган, формасын яхшы тотучы чәчәкләргә өстенлек бирергә киңәш итәләр. Әгәр алар сулган булып күренсә, бу аларның яңа булмавының төгәл билгесе.
«Беренче чиратта бөреләргә игътибар итәргә кирәк: алар тыгыз һәм ярым ачылган булырга тиеш, шул чагында букет озак сакланачак. Тулысынча ачылган һәм тотып караганда йомшак булган бөреле чәчәкләрне сатып алырга кирәкми», – дип хәбәр иттеләр РИА Новостига Роспотребнадзорда.
Сабакка аерым игътибар бирергә кирәк: ул нык, сусыл булырга һәм ачык төстәге кисемгә ия булырга тиеш. Калын сабаклы үсемлекләр өчен белгечләр озын кыек кисем ясарга киңәш итәләр.
Белгечләр чәчәкләргә температураның кискен үзгәрүе зыян китерүен кисәттеләр. Урамнан соң букетны, төргәген алганчы, бүлмәдә әкренләп җылынырга бирергә кирәк. Үсемлекләрне вазага куйганчы, сабакларны кисәргә һәм аскы яфракларны алырга кирәк.
Чыганак: Татар-информ
Фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев