Законнарны бозма!

Район прокуратурасы 40 яшьлек мөслимлегә карата җинаять эше буенча гаепләү актын хуплады. Әлеге ир-ат РФ Җинаятьләр кодексының 264.1 маддәсе 1 бүлегендә каралган җинаять кылуда гаепләнә. Ул административ җәзага тартылган булуга карамастан, автомобиль белән исерек хәлдә идарә иткән. 
Дознание версиясе буенча, 2023нче елның 9 маенда 20 сәгать 11 минут тирәсендә бу ир-ат шофер таныклыгы булмаган көе, спиртлы эчемлекләр кулланган хәлдә рульгә утырган.

– Әлеге ир-ат Иске Вәрәш авылыннан “Лада Гранта” маркалы автомобильдә Мөслим авылына китә. Мөслимнең Кооператив урамында аны ЮХИДИ бүлеге хезмәткәрләре туктата һәм алкоголь исереклеге хәлендә булуын ачыклый, – ди район прокуроры урынбасары Линар Әскаров. 
Гаепләнүче үз гаебен тулысынча таныды һәм тәүбә итте. Хәзерге вакытта җинаять эше Мөслим районында карап тикшерелә, дип хәбәр итәләр район прокуратурасыннан.

Фото - "Татар-информ архивыннан