Йорт түбәсендәге кардан зыян – прокуратура карары

Мөслим авылында яшәүче гражданның мөрәҗәгате буенча, район прокуратурасы ҖЧҖ “Мөслим” идарәче компаниясенең эшчәнлеген тикшерде.

Тикшерү ачыклаганча, күпфатирлы йортның түбәсендәге карны вакытында чистартмау сәбәпле, мөрәҗәгать итүченең фатирына кар эрүдән барлыкка килгән су үтеп кергән. Нәтиҗәдә, аның фатирының түшәме яраксыз хәлгә килеп, стеналарда кара күгәрек барлыкка килгән. Мөрәҗәгать итүченең идарәче компаниягә китерелгән зыянны каплау турындагы телдән булган мөрәҗәгате нәтиҗәсез калган. 

– Тикшерү барышында, прокурор таләбе буенча, идарәче компания үтенеч белән мөрәҗәгать итүчегә матди зыянны тулысынча түләде. Тикшерү нәтиҗәләре буенча идарәче компаниягә алга таба ачыкланган хокук бозуларны булдырмау һәм гаепле затларны дисциплинар җаваплылыкка тарту буенча чаралар күрү турында тәкъдим кертелде, - дип хәбәр итә район прокуроры урынбасары Ильвир Бәхтиев.

 

Прокурор җавабы акты карау стадиясендә.

Фото: Татар-информ