Мөслим-информ

Муслюмовский район

18+
2024 - Гаилә елы
Кеше һәм закон

Эштә дә урлашалар

Үзләштерүдә гаепләнүче 64 яшьлек ир-ат Мөслим район суды алдына басачак.

Район прокуратурасы 64 яшьлек мөслимлегә карата җинаять эше буенча дәүләт гаепләвен хуплады. Суд аны РФ Җинаятьләр кодексының 160 маддәсе 3 бүлегендә каралган җинаять кылуда, ягъни хезмәт вазыйфасыннан файдаланып, чит кешенең мөлкәтен  үзләштерүдә (урлауда) гаепли.
Тикшерү версиясе буенча, 2023 елның 13 февралендә, “Родные края – Туган як” агрофирмасының “Мәллә” структур бүлекчәсендә административ-идарә персоналы бүлеге (машина-трактор паркы) идарәчесе вазыйфасын башкаручы, үзенә ышанып тапшырылган 2 данә МТЗ 85-1601130 тоташтыру дискларын һәм 1 данә Д-260 85-1601090 тоташтыру муфтасын үзләштергән. 
– Гаепләнүче җинаятьчел гамәлләре нәтиҗәсендә “Родные края – Туган як” агрофирмасы ҖЧҖкә 13 575 сумлык зыян китергән, – ди район прокуроры урынбасары Линар Әскаров.
Тикшерү барышында эш фигуранты гаебен тулысынча таныган. Кылган эшенә үкенеп, зыянны тулы күләмдә каплаган.
Хәзерге вакытта җинаять эше Мөслим район судында карала.

Рәмилә Сәләмова

Фото - "Татар-информ" архивыннан

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама