Россия флагы көне

22 август - Россия флагы көне. Бу көнне мөслимлеләр дә зурлап билгеләп үтте.

Мөслим йөрәге скверында район башлыгы Альберт Хуҗин Россия флагы көненә багышланган чараларның әһәмиятен билгеләп узды һәм җылы теләкләрен җиткерде.

- Герб, Флаг һәм Гимн дәүләтнең аерылгысыз атрибутлары булып тора, аның рухи куәтен чагылдыра. Россия флагы ватандашларыбыз алдында горурлык хисләре уята, - диде район башлыгы.

"Алдынгылар хәрәкәте" активистлары флешмоб оештырды. Чарага килүчеләр дә бердәм флешмобга кушылды.

Тантаналы чарады 14 яше тулган райондашларыбызга РФ гражданины паспортлары тапшырылды.

Лилия Шәймиева фотолары.