Әй урман, урман!..

21 мартта Халыкара урман көне билгеләп үтелә. Аның максаты – урманның экологик вәзгыять өчен әһәмияте турындагы мәгълүматны халыкка җиткерү. Интернеттан алынган мәгълүматтан күренгәнчә, Халыкара урман көне беренче тапкыр 1971 елда үткәрелә. Бу датаның 21 мартка билгеләнүе юкка түгел, нәкъ менә шушы көнне көньяк һәм төньяк ярымшарда көн белән төн тигезләшә.

Урманнарның экологик иминлекне тәэмин итүе, планетаның тотрыклы алга китешенә ярдәм итүе, кеше тормышы өчен зур әһәмияткә ия булуы беркемгә дә сер түгел. Мәсәлән, уртача зурлыктагы бер агач 24 сәгать дәвамында өч кешегә суларга җитәрлек кислород бүлеп чыгара. Урманнар булмаса, елгалар да бик тиз кибәр иде, чөнки урман кар эрегәндә барлыкка килүче дымны үзенә сеңдерә. Алга таба урманнар бу дымны әкренләп елгаларга бирә. Урманнар һаваны дымландырып һәм суларга яраклы итеп кенә калмый, алар атмосфера тузанын да тоткарларга сәләтле. 1 гектар ылыслы урман бер елга – 40 тонна чамасы тузанны, шундый ук мәйдандагы яфраклы урман 100 тонна тузанны тоткарлый.

Мөслимебез урманнарга бай. Районда урманнар 26 мең гектар мәйданны тәшкил итә.

Тулырак «Авыл утлары» газетасының 2025 ел өчен 21 март саныннан укыгыз.

Фото – «Мөслим-информ» архивыннан