Владимир Путин Рөстәм Миңнехановны Җиңү көне белән котлады

«Без бу изге бәйрәмне һәрвакыт рәхимсез дошманга буйсынмаган, нацизмны җимергән, Ватанны саклап калган, бөтен дөньяны коткарган ата-бабаларыбызның бөек батырлыгы өчен горурлык хисе белән билгеләп үтәбез. Аларның ныклыгы, рух көче һәм хак эшкә ышанычы безнең өчен Ватанга карата ихлас мәхәббәтнең, аның язмышына шәхси өлеш кертүнең мәңгелек үрнәге булып торачак», – дигән ышанычын белдергән Путин.

Владимир Путин шулай ук Рөстәм Миңнехановка «уңышлар һәм иң изге теләкләр» җиткергән.

Фото: © «Татар-информ», Владимир Васильев