Мәдәният йортында капиталь ремонт бара

Симәк авылының мәдәният йортында капиталь ремонт эшләре бара. 1978 елда кулланылышка тапшырылган бинада бер тапкыр да ремонт булмаган иде.

Бинага пластик тәрәзәләр куелды, электр чыбыклары сузылды. Түбәне ябу һәм фасадны тышлау буенча эшләр төгәлләнеп килә. Су белән тәэмин итү, канализация, җылылык система тулысынча яңартылачак.

Капиталь ремонт “Мәдәният” милли проектының “Мәдәни мөхит” федераль программасы кысаларында башкарыла. Төзекләндерү эшләре көзгә төгәлләргә планлаштырыла.

Фото - администрациянең матбугат хезмәтеннән