Рейдлар дәвам итә

Ашыгыч хезмәтләргә тоткарлык тудырып, машиналарын күпфатирлы йортларның подъезд алдына куючыларны ачыклау максатыннан рейдлар дәвам итә. Узган атнада ДАИ инспекторлары шундый өч машинаны тоткарлады. Машина хуҗаларына административ беркетмәләр төзелде, 2250 сум күләмендә штраф салынды. “Кайвакыт ашыгыч ярдәм, янгын хезмәте һәм башка кичектергесез хезмәтләр ваемсыз шоферлар аркасында кирәкле урынга вакытында барып җитә алмый. Кагыйдә бозучылар белән алга таба да эш дәвам итәчәк”, – ди районның ДАИ җитәкчесе Феликс Мәгъданов.

Фото – Мөслим-информ архивыннан