Мөслим гимназиясендә янгын-тактик өйрәнүләр узды

Яр Чаллы шәһәренең янгын сүндерү хезмәте, Мөслимнең 123нче янгын сүндерү часте һәм районара күзәтчелек эшчәнлеге бүлеге хезмәткәрләре белән берлектә Мөслим гимназиясендә янгын-тактик өйрәнүләр узды.

"Гимназия бинасында шартлы янгын чыгып, аны гимназия хезмәткәрләре сүндерергә тырышып караган, әмма көчле төтен аркасында моны эшләп булмаган.

123 нче янгын сүндерү-коткару бүлеге бинадан ике зыян күрүчене алып чыкты. Янгын кыска вакыт эчендә сүндерелде. Өйрәнүләрдән соң учреждение персоналына янгын куркынычсызлыгы чаралары җиткерелде”, – дип хәбәр итә Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Вильям Тайбактин фотолары.