Мошенниклар корбаны була күрмәгез!

Бер райондашыбыз әздән генә 65 мең сум акчасын югалтмаган. “Үрәзмәт авылыннан 1962 елгы хатын-кыз, инвестицияләр белән акча эшләргә теләп, мошенниклар тозагына эләккән. Бер исәп-хисап счетыннан икенчесенә акча күчерәм дигәндә, телефонына банктан: “Акча күчергәндә мошенниклар корбаны була күрмәгез!” – дигән смс хәбәр килә. 62 яшьлек хатын-кызны уйланмаган адымнан шушы хәбәр коткара. Уяулыкны югалтмагыз! Беркемгә дә телефоныгызга килгән кодларны, саннар комбинациясен әйтмәгез!” – ди эчке эшләр бүлегенең уголовный розыск бүлекчәсе җитәкчесе Булат Замалиев.

Фото Татар-информ архивыннан