“Мәк-2023” операциясенең икенче этабы төгәлләнде

“Мәк-2023” операциясенең икенче этабы төгәлләнде. Профилактик чара барышында дүрт участокта – Мөслим, Катмыш, Баек, Карамалы җирлекләре территориясендә мәк үсүе ачыкланды һәм юк ителде. Авыл җирлекләре башлыкларына тиешле күрсәтмәләр бирелде. “Рейд вакытында мәк кулланган бер райондашыбыз ачыкланды. Бүгенге көндә тикшерү эше бара. Составында наркотик матдәләр булган үсемлекләрне законсыз игү очракларын ачыклау, аларны юкка чыгару бурычы “Мәк” операциясе төгәлләнгәч тә дәвам итәчәк”, – ди эчке эшләр бүлегенең уголовный розыск бүлекчәсе җитәкчесе Булат Замалиев.

Фото - Татар-информ архивыннан.