Феликс Мәгъданов: «Кагыйдәләр безгә түгел, ә сезгә кирәк»

Мөслимдә “Тоннель” операциясе узды. Машина йөртүчеләрнең юл хәрәкәте кагыйдәләрен үтәве буенча тикшерүләр ай саен үткәрелә.

«Чара барышында сигез шоферга административ беркетмә төзелде. Аның өчесе – балаларны транспортта тоткарлау җайланмасын кулланмыйча йөрткән, икесе – иминлек каешларын эләктермәгән өчен. Юл хәрәкәте кагыйдәләрен үтәү безгә түгел, ә юл хәрәкәтендә катнашучыларның үзләре өчен кирәк. Кагыйдәләргә буйсыну гына иминлекне саклый», – ди районның ДАИ җитәкчесе Феликс Мәгъданов.

Лилия Шәймиева фотосы.