Симәк авылында Авыл көне үтте

Бүген Симәк авылында Авыл көне узды. Чарада бик күп кунаклар, авыл халкы катнашты.

Симәклеләр көче белән үткәрелгән бәйрәм бик күпләрнең очрашу, аралашу, күрешү урыны булды. 

Бәйрәмдә катнашучыларны район башлыгы урынбасары Азат Әхмәтҗанов, авыл жирлеге башлыгы Рифас Садретдинов тәбрикләде, 80 яше тулып узган авылның ак әбиләре һәм бабайларын хөрмәтләп, истәлек бүләкләре тапшырдылар. 

Бәйрәм чарасы матур җырлар, биюләр һәм кызыклы уеннар белән үрелеп барды.

Фәридә Гайнетдинова репортажы.