"Пушкин" скверы меңләгән райондашыбызны очраштырды

Район үзәгендә барлыкка килгән скверга "Пушкин" исеме бирелүе һәркем билгеле. Ул тантаналы төстә Татарстан республикасы һәм Мөслим районының 85-еллык юбилее көнендә ачылды. Скверда халык өчен скамейкалар куелды, бөек рус шагыйре А.С, Пушкинның әсәрләреннән алынган герой сыннары, чәчәк композицияләре урнаштырылды. Бу эшне башкару өчен дәүләт җитәкчелеге тарафыннан зур күләмдә финанс средстволары бүлеп бирелде.

Әлеге күркәм ял итү урыны тиз арада мөслимлеләрнең яраткан ял итү урынына әверелде. Бигрәк тә бүген - Парклар һәм скверлар көнендә биредә алма төшәр урын юк иде. Олысы да, кечесе дә паркта оештырылган уеннарда катнашып, концерт карап, берничә сәгать дәвамында ачык һавада күңел ачты.