«Кояшлы Ык» паркында гаилә бәйрәме

“Кояшлы Ык” ял паркында оештырылган гаилә бәйрәмен Ринас хәзрәт Нәбиев вәгазь белән башлады. Мәйданны яңгыратып Коръән сүрәләре яңгырады. Район Башкарма комитеты җитәкчксенең социаль-мәдәни мәсьәлләр буенча урынбасары Марина Бәдретдинова да бәйрәмдә катнашучыларга изге теләкләрен җиткерде. Сәхнәгә Коръәннән аять-сүрәләр укырга балалар чыкты. Моңлы тавышлы нәниләрнең Коръән укулары беркемне дә битараф калдырмагандыр. Викториналарда, төрле бәйгеләрдә катнашырга теләүчеләр дә шактый булып чыкты. Милли уеннар – күзне бәйләп уенчык кисү, чүлмәк вату, аркан тарту, эстафеталар, спорт уеннары да бик кызыклы узды. Уеннарда катнашкан бер генә бала да бүләксез калмады. 
Бәйрәм ахырында һәркем район мөхтәсибәте көче белән әзерләнгән табын артында сыйланды. Корбан итеннән пешерелгән пылау, кайнар чәй, тәм-томнардан һәркем авыз итә алды.
Лилия Шәймиева фотолары