Чисталык икеайлыгы дәвам итә

Район Башкарма комитеты җитәкчесе Ирек Салихҗанов чисталык икеайлыгына бәйле киңәшмә уздырды.

Киңәшмәдә "Кояшлы Ык" паркы территориясен чистарту турында сүз барды. Ирек Салихҗанов районыбызны чистарту һәм яшелләндерүдә оешма-предприятие коллективларының ел саен зур хезмәт башкаруларын ассызыклады, бу елны да әлеге эштә активлык күрсәтүләрен сорады.

Мөслим авыл җирлеге Башкарма комитеты җитәкчесе Марат Бәйрханов эш тәртибе белән таныштырды. Чистарту эшләрен тиз арада булдыру бурычы куелды.

Фото – администрациянең матбугат хезмәтеннән