Быел яз иртә киләчәк

Гадәттән тыш хәлләрне кисәтү буенча район комиссиясенең язгы ташуга әзерлек мәсьәләләренә багышланган планнан тыш утырышы үтте. Видеоконференция форматында үткән утырышта авыл җирлекләре башлыклары да катнашты.

 – Синоптиклар кышның иртә килүен фаразлый. Көннәр кинәт җылытып җибәргәндә, су күләме артып, кыенлыклар белән дә очрашырга мөмкин. Язгы чорда аеруча игътибар таләп иткән буалар, күпфатирлы йортлар, аерым участоклар буенча эшне бүген үк башлау мөһим, – диде район Башкарма комитеты җитәкчесе Ирек Салихҗанов

Автомобиль юлларында торба башларын ачарга иртәрәк булса да, район үзәгендә кар сулары белән көрәшү өчен махсус бригада инде төзелгән, кирәкле техника да әзерлек сызыгында тора.

Халык та бу чорда җаваплылык тоеп, урам юлларын саклап калуда үзеннән өлеш кертсен иде. Шәхси ихаталарда гомер итүчеләр йортлары каршындагы су юлы торбаларын вакытында ачып, чистартып торсалар, күңелсез хәлләр булмас иде.

Тулырак «Авыл утлары» газетасының 2025 ел 14 март санында укыгыз.

Фото  Мөслим-информ архивыннан