Бәйрәм белән! Быел Бөек Ватан сугышында җиңүгә – 80 ел

Анда мондый юллар бар: “Авыр сынаулар аша үтеп, тиңдәшсез батырлыклар күрсәтеп, 1418 көнлек озын юл узып килгән Җиңү көненнән соң 80 ел узды. Халкыбызның көчле ихтыяры һәм бердәмлеге, фронтовикларның, тыл хезмәтчәннәренең ныклыгы һәм фидакарьлеге нәтиҗәсендә Ватаныбызның азатлыгын саклап калу, кешелекне фашистлар коллыгыннан коткару мөмкин булды. Бүген махсус хәрби операциядә дә районыбыз егетләре дәүләт мәнфәгатьләрен, аның иминлеген һәм бәйсезлеген саклый, хәрби бурычларын кайчак гомерләрен фида кылып үти.

Хөрмәтле тыл ветераннары, сугыш чоры балалары! Без сезгә бик рәхмәтле! Сезнең белән чиксез горурланабыз! Якыннарыгызның игътибарын һәм ихтирамын тоеп, озак һәм бәхетле яшәгез! Кадерле мөслимлеләр! Сезгә ихлас күңелдән тынычлык һәм сәламәтлек телим. Тормышыбыз имин, көннәребез якты булсын!”

Фото – район хакимиятенең матбугат хезмәтеннән.