«Август-Мөслим» агрофирмасы базасында семинар-киңәшмә

Бүген "Август-Мөслим" агрофирмасы базасында Татарстан Республикасы Авыл хуҗалыгы һәм азык-төлек министрлыгы "Авыл хуҗалыгы культуралары уңышын формалаштыру буенча чаралар комплексы мәсьәләләре" темасына зона семинар-киңәшмәсе үткәрә. Чарага республиканың иң якын 12 районыннан аграрийлар чакырылган.

Семинар программасында "Август-Мөслим"нең тәҗрибә мәйданчыклары белән танышу, 2023 елда көзге чәчү үзенчәлекләре (сортлар, орлык һәм туфрак әзерләү, көзге чорга карау), көзге культураларны тукландыру һәм туфракның уңдырышлылыгын күтәрү, мелиорация программасы һ.б. актуаль мәсьәләләр карала.

"Август-Мөслим" тәҗрибә мәйданчыгында тугыз культураның 228 сорты һәм гибриды, "Август" фирмасы препаратларын тулы цикл итеп куллану нәтиҗәләре күрсәтелә.

 Фәридә Гайнетдинова фотолары.