Атналык планлаштыру буенча киңәшмә узды
Киңәшмәне район башлыгы Альберт Хуҗин алып барды.
Район хакимиятенең актлар залында атналык планлаштыру буенча киңәшмә узды. Киңәшмәне район башлыгы Альберт Хуҗин алып барды.
Ул иң элек узган атнада булып узган чаралар буенча нәтиҗә ясады, үзенең фикер-тәкъдимнәрен җиткерде.
Киңәшмә барышында чыгышлар да тыңланды. Район эчке эшләр бүлеге җитәкчесе Альберт Шакиров узган атнада районда булган оператив хәл белән таныштырды. Яшьләр белән эшләү һәм спорт бүлеге җитәкчесе Илшат Яббаров XXXV кышкы спартакиада нәтиҗәләре белән таныштырды, авыл җирлекләре арасында узган спартакиада ярышлары буенча нәтиҗә ясады. Ярышларда катнашучы командалар һәм җанатарларның чыгышларына җитди анализ бирде. Район опека һәм попечительлек бүлеге җитәкчесе Рәмилә Смирнова бүлекнең 2024 елдагы эшчәнлеге хакында сөйләде, башкарылган эшләр белән таныштырды.
Рәмилә Сәләмова фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев