15 февральдә Совет гаскәрләренең Әфганстаннан чыгарылуына 27 ел була

Мөслим районыннан Әфган сугышында 113 егет катнаша, шуларның 6сы әфган җирендә ятып кала. Бүген җирлегебездә 52 әфганчы яши. Әфганчыларны митингта район башлыгы Рамил Муллин, Мөслим һәм Сарман районнары хәрби комиссары Дажгын Гасанов сәламләде. Герой-шагыйрь Муса Җәлилнең дә бүген туган көне булуын исәпкә алып, шагыйрә Лилия Садриева аның шигырен укыды. Әфган сугышында һәлак булган райондашларыбызны 1 миунт тынлык белән искә алганнан соң, алар истәлегенә куелган стеллага чәчәкләр салынды.