«Әхлак һәм сәламәтлек» яллары оештырылды

Әмәкәйдә 18 июльдән 25 июльгә кадәр балалар өчен "Әхлак һәм сәламәтлек" яллары оештырылды. 

"Иман йортына 12 бала бик теләп йөрде. Балалар аңларлык итеп вәгазьләр сөйләнде, намаз хәрәкәтләре күрсәтелеп, алар да өлкән абыйлары белән бергә өйлә намазына бастылар, сүрәләр өйрәнделәр.

Ял иткән арада уеннар уйнадылар. 

Үзләренең тәмле күчтәнәчләре белән сыйлаган Илиза, Люзия, Бәрия апаларына балалар бик рәхмәтле булды", - дип хәбәр итәләр Әмәкәй җирле үзидарәсеннән.

Фотолар - Әмәкәй җирле үзидарәсе архивыннан.