ДАИ хәбәр итә

26 август көнне 22.10 сәгатьтә Мөслимнең Гагарин урамында юл-транспорт һәлакәте булды.

- “ДЭУ Нексиа” белән идарә иткән 2004 елгы ир-ат Гагарин - Вахитов урамнары чатында дөрес тизлек сайламыйча, каршы як полосага чыга. Нәтиҗәдә, ул каршысына килгән "ВАЗ-211440" машинасына бәрелә. Бәрелешү нәтиҗәсендә "ВАЗ" машинасы "Нексиа" алдындагы "Лада" машинасына килеп бәрелә.

Авария нәтиҗәсендә өч машина да механик зыян ала. "ВАЗ" машинасының 1999 елгы пассажиры тән җәрәхәтләре белән Яр Чаллы шәһәре хастаханәсенә озатылган, – дип хәбәр итә районның ДАИ җитәкчесе Феликс Мәгъданов.

Феликс Мәгъданов фотолары.