Дөньяда иң кыйммәтле балык ничә сум тора?

Кыйммәтле балыклар бик күп. Тик 1,7 миллион долларга сатылган тунец балыгы әлегә иң кыйммәтлесе санала. Бу турыда кызыклы фактлар сайтында язылган.

220 кг авырлыктагы зәңгәрсу тунец балыгын 1,7 млн долларга сатып алганнар. Тарихта иң кыйммәтле балыктан ризыкны теләге булган һәркем татып карый алган. Аның бер кисәген 20 еврога сатканнар.

Моңа кадәр тунец балыгын 730 мең долларга Япония аукционында сатып алган булганнар. Ул алдагы балыктан күпкә авыррак булса да, бәясе кимрәк чыккан. Озак вакыт аны иң кыйммәтле балык санаганнар.

Платина арована дигән аквариум балыгы 400 мең доллар тора. Ул уникаль балык – дөнья бер генә, башка андый балык юк. Бу балыкның хуҗасы – Сингапур миллионеры. Аннан балыгын сатуны сорап-сорап караганнар, тик миллионер баш тарткан, диелә хәбәрдә.

Бу хакта тулырак: https://intertat.tatar/news/donyada-in-kyimmatle-balyk-nica-sum-tora-5860643

Фото - "Татар-информ" архивыннан