Бу көнне Мөслимдә

16 сентябрь

Илле процент бар

“Уңыш” колхозы механизаторлары туңга сөрүне 2200 гектарга якын мәйданда башкарып, планны 50 процентка үтәделәр. Бу эштә һәр көнне 13-15 трактор катнаша. Механизаторлар техниканы нәтиҗәле кулланырга тырышалар. Хәзер иң югары күрсәткеч – коммунист Равил Азиевныкы, ул тракторы белән 340 гектарда диярлек туңга сөрү үткәрде. Механизаторлар эшнең сыйфатына да зур игътибар бирәләр. А. Миндияров һәм З. Кадыйров сөргән җирләр югары сыйфатлы булулары белән аерылып тора. Тракторчылар В. Әдиятуллин, Ф. Салихов, Р. Латыйпов хезмәте дә мактауга лаек.

Т. Фазуллин, колхозның баш агрономы.