Бу көнне Мөслимдә

31 август
Сөенеп эшлибез
Киров исемендәге колхозның Мөслим бригадасындагы урып-җыю – транспорт звеносы бу көннәрдә башка бригада игенчеләренә ярдәм күрсәтә. Звено комбайнчылары борчак һәм арыш уңышын җыеп алуны тиз тотты. Тәлгать Баһаветдинов, Мөхтәр Хафизов, Әскать Гайфиев, Зөфәр Хантимеров карамагындагы агрегатлар аеруча җитештерүчән эшләде. Бу иптәшләр ындыр табагына 3500-2250 центнер ашлык суктырып җибәрделәр. Игенчеләр уңышка сөенеп хезмәт куйдылар: һәр гектар 25 центнер арыш, 20 центнердан артык борчак бирде.
Д. Хафизов.