Бу көнне Мөслимдә

18 март
Мөдиребез турында
Без, Тугаш авылы ата-аналары, ясле-балалар бакчасы мөдире М.Гарифуллина турында язарга уйладык. Мөсәвәрә – Сал. Мухан авылында туып-үскән кыз. Минзәлә педагогия училищесын тәмамлаганнан соң, ул ике елга якын инде безнең балалар бакчасында хезмәт куя. Эшли башлавының беренче көннәреннән үк балалар да, авыл халкы да аны бик яратты. Балаларыбыз бакчага бик теләп йөри. “Безнең апабыз” – алар Мөсәвәрәне һәрчак шулай атыйлар. Мөдир буларак ул ата-аналар белән тыгыз элемтәдә. Мөсәвәрәне без быел авыл советы депутаты итеп сайладык. Менә шундый безнең мөдир.
Бертөркем ата-аналар. 

Фото – Мөслим-информ архивыннан