Бу көнне Мөслимдә

11 март

Финишка – срогыннан алда

Күбәк урта мәктәбенең 9-10 класс укучылары быел яңа фән үзләштерә башладылар. Куйбышев исемендәге колхоз зоотехнигы Ф. Латыйпов аларны терлекчелек һөнәренең серләренә өйрәтә. Озак та үтмәс, мәктәп еллары артта калыр, терлекчелек буенча белемнәрен йомгаклап махсус таныклык алган яшь егетләр, яшь кызлар фермаларга әти-әниләренә алмашка килерләр. Әниләре бүген алар өчен ныклы җирлек әзерли. Мәсәлән, хуҗалык савымчылары һәр сыердан 2705 килограмм сөт җитештереп, дәүләткә 9600 центнер продукция саттылар. Тиешле финишка уңышлы җитү өчен көчләрен кызганмыйлар савымчылар.

Ф.Исламов, баш зоотехник.

Фото – «Мөслим-информ» архивыннан