Бу көнне Мөслимдә

11 ноябрь
Бүләклеләр өлеше
КПСС члены Мәхмүт Исламов җитәкчелек иткән Бүләк дуңгызчылык фермасы биргән продукция хуҗалыкның ит балансында зур урын тота. Ун айда алынган 3182 центнер продукциянең 1748 центнерын дуңгыз ите тәшкил итә. Әлфия Галимова ярышта алдынгы урында бара. Октябрьдә ул үз группасындагы 212 терлекнең һәрберсеннән 450 грамм тәүлеклек үсеш алды. Әлфия ел башыннан 300 центнерга якын ит җитештерде. Гаилә подряды нигезендә дуңгыз симертүче Рәсилә һәм Фадаил Гыйззәтуллиннар ун айда 561 центнер ит бирделәр. 
В. Рахмаев,
К. Маркс исемендәге колхозның партком секретаре.

Фото – Мөслим-информ архивыннан