Бу көнне

1989 ел, 18 февраль

Ташлыяр уңганнары

Ташлыяр – алтын куллы эшчәннәре белән танылган авыл. Шул уңганнарның берсе – Фалия Ихсанова. Олы тормышка тәүге адымнарын ул терлекчелектән башлады. Башта дуңгызлар карады. Үзенә тапшырылган терлекләрне бөтен күңелен, тырышлыгын куеп тәрбияләде. Бу сыйфатларын искә алып, Фалияне яшь бозаулар карарга билгеләделәр. Биредә дә ул сынатмый. Үрчемнең сау-сәламәт булып үсүе өчен көчен дә, сәләтен дә кызганмый. Әнә шуңа күрә дә “Трудовик” тәҗрибә-җитештерү хуҗалыгында аны фәкать уңай яктан телгә алалар.

Сәхифәне Наилә Сәлахова әзерләде

Фото - "Мөслим-информ" архивыннан