Бу көнне Мөслимдә

27 май. Сабан туена кадәр

Безнең хуҗалыкта шикәр чөгендере 190 гектар мәйдан били. Быел аның һәр гектарыннан уртача 220 центнер уңыш алып, дәүләткә 28000 центнер татлы тамыр сату максат итеп куелды. Орлык катнаш ашлама кертеп күмдерелде. Бу эшләрне М. Бәхтиев, Х. Басыйров,

Ф. Шакиров иптәшләр җитәкчелегендәге звенолар зур төгәллек белән башкардылар. Бер үк вакытта чөгендерне сирәкләү эше дә башланды. Моның өчен участок колхозчыларга бүленеп бирелде. Биредә Мари Бүләр сигезьеллык һәм Тат. Бүләр урта мәктәпләренең производство бригадалары да актив катнашачак.

Т. Фазуллин, “Урожай” колхозы агрономы.

Фото – «Мөслим-информ»