Бу көнне Мөслимдә

3 октябрь Тыңлагыз, тыңлагыз

– Хәерле кич, хөрмәтле радио тыңлаучы иптәшләр! Әлеге сәламләү Карл Маркс исемендәге радио узелыннан һәр кич яңгырый. Тапшыруларны алып баручы культура йорты директоры Тәнзилә Кәримова һәм художество җитәкчесе Гөлүзә Ситдыйкованы барысы да яратып, үз итеп өлгерде. Яңалыкларны хәбәр иткәннән соң Тәнзилә сыздырып баянда уйнаса, Гөлүзә өздереп җырлап җибәрә. Алар иген осталарына атап язылган шигырьләрне дә матур итеп укый беләләр. Әлеге тапшырулар һәркемнең күңелен күтәрә, рухын баета, иртәгәсе көнгә көчен арттыра.

Ә.Нургалиева, Үрәзмәт авылы

Фото: «Мөслим-информ» архивыннан