Бу көнне Мөслимдә

29 июль. Яшел олаулар ташкыны.

Бу көннәрдә басулардан “Шуган” совхозының азык дворына яшел масса төяп агылган машиналар, тракторлар чынлап та зур ташкынны хәтерләтә. Терлек азыгын күп һәм сыйфатлы хәзерләү өчен бөтен мөмкинлекләрне эшкә җиккән игенчеләрнең тырыш хезмәте матур нәтиҗәләр бирә. Бүген удар участок – иртә силос хәзерләү. Бу эшкә хуҗалык, сенаж салуның еллык заданиесен үтәп, районда беренчеләрдән булып керешкән иде. Траншеяларга инде 2900 тоннага якын масса тутырылды. Соңгы вакытта көн саен 120- 130 тонна иртә силос салына.

А.Әюпов.

Фото – «Мөслим-информ» архивыннан