Бу көнне Мөслимдә

18 май. Ипатов ысулы белән

“Трудовик” тәҗрибә-җитештерү хуҗалыгы игенчеләре кыр эшләрен оешкан төстә алып баралар. Ике көннән соң механизаторлар 4895 гектар мәйданда иртә чәчүне төгәлләячәкләр. Кичә 5 агрегат пар җирләренә чәчүгә керештеләр. Бу эш Ипатов ысулы белән алып барыла. Механизаторлар Ф. Гыйльфанов, М. Шәйморатов, Г. Бәхтегәрәев смена нормаларын 120-140 процентка үтәделәр. Кукуруз культурасы инде 160 гектар мәйданда чәчелде. Чәчүлекләрне корткыч бөҗәкләрдән яклауны фәнни нигездә алып барабыз. Шул максат белән совхозда 7 кешелек махсуслаштырылган звено булдырылды. Ул хәзер Тойгелде бүлекчәсе кырларында эшли.

Фото – «Мөслим-информ» архивыннан