Бу көнне Мөслимдә

18 февраль, Һәрвакыт шулай

Ул көнне Салауз-Мухан авылы яшьләре культура йортына политик уку башланырга ярты сәгать алдан җыелып беттеләр. Комсомол оешмасы секретаре Наилә Камаева, культура йорты директоры Фаил Сафин занятие буласы бүлмәне яшьләр килгәнче җиһазлап өлгергәннәр иде. Занятие халыкара хәл турында информация белән башланып китте. Аны совхозның партия оешмасы секретаре Равил Минһаҗев ясады. Яңа теманы башлап, яшьләр яңа материал: “Коммунистик мораль нигезләре” курсының “Нәрсә ул мораль?” дигән темасын өйрәнделәр.

Фото – «Мөслим-информ» архивыннан