Бу көнне Мөслимдә

1978 ел 9 февраль. Файдалы һәм күңелле

Күптән түгел Ташъелга авылы клубында Тат. Шуран сигезьеллык мәктәбенә йөреп укучы балалар ата-аналарының гомуми җыелышы булды. Анда класс җитәкчеләре ата-аналар белән аерым–аерым сөйләштеләр. Аннан соң мәктәп директоры иптәш Ф. Хөсәенов уку елының беренче ярты елы йомгаклары буенча доклад ясады. Укытучылар коллективы әти-әниләр өчен
Ю.Әминовның “Өти балак” дигән комедиясен бүләк итте. Әсәр тамашачылар күңеленә хуш килде, алар укытучыларга эшләрендә уңышлар теләделәр.

Ф.Вагыйзова

Фото – «Мөслим-информ» архивыннан